Тусламж

“Шоппи ХХК” (цаашид “Компани”, “Бид”) нь shoppyhub.mn-ээр дамжуулан 1688 платформ дээрх барааны мэдээллийг санал болгож, худалдан авалтыг цахимаар хийх боломжийг олгон зуучилж буй цахим худалдааны платформыг эрхлэн явуулна. Үйлчилгээний нөхцөл нь платформыг ашиглан бараа худалдах, хэрэглэгч худалдан авахтай холбоотой харилцааг зохицуулна. Та платформыг ашиглахаас өмнө “Үйлчилгээний нөхцөл”, “Нууцлалын бодлого”-той бүрэн танилцаж “Би хүлээн зөвшөөрч байна” товчийг идэвхжүүлснээр хүлээн зөвшөөрсөнд тооцно.

Та и-мэйл/утас эсвэл албан ёсны Facebook хаягаар нэвтэрч бүртгэл үүсгэнэ. Бүртгүүлэх үед нэг удаагийн нууц үг илгээгдэнэ; нэвтэрсний дараа өөрийн нууц үгийг үүсгэнэ. Иргэний эрх зүйн бүрэн чадамжгүй, насанд хүрээгүй иргэн бол эцэг эх, асран хамгаалагчийн хамт худалдан авалт хийнэ. Нэвтрэх мэдээллээ гуравдагч этгээдэд дамжуулахгүй байх, өөрийн мэдээллийн үнэн зөв байдалд бүрэн хариуцлагатай байна.

1688.com дээрх бараануудыг төгрөгт хөрвүүлсэн үнээр харуулна. Үнийн түвшин захиалгын тоо хэмжээнээс хамааран ялгаатай байж болно. Вэб/апп дээр харагдах үнэ нь зөвхөн барааны үнэ бөгөөд сагслах үед Хятад доторх тээвэр, улс хоорондын тээвэр, үйлчилгээний хураамжийг тусад нь харуулна. Компани нь зуучлалын үйлчилгээ үзүүлж байгаа тул барааны чанар, ашиглалт, найдвартай байдалд баталгаа өгөхгүй. Үйлдвэрлэгч/нийлүүлэгчийн тухай мэдээлэл, үнэлгээг шалгалгүй захиалга хийснээс үүдэх эрсдэлд хэрэглэгч өөрөө хариуцна.

Та 24/7 захиалга хийж болно. Захиалга баталгаажих өдрийн юаний ханшийг төгрөгт хөрвүүлж үзүүлнэ. Захиалгын төлбөр бүрдэл: барааны үнэ, Хятад доторх тээвэр, улс хоорондын тээвэр (дараа тооцогдоно), үйлчилгээний төлбөр (10,000₮). Төлбөр цагтаа хийгдээгүйгээс захиалга цуцлагдсан, үнэ/үлдэгдэл өөрчлөгдсөн бол компаний хариуцлага хүлээхгүй. Баталгаажсан захиалгыг буцаах/цуцлах боломжгүй. Хориглосон/хязгаарласан бараа илэрвэл захиалгыг компани шууд цуцална.

Үйлдвэрлэгчээс БНХАУ-ын агуулах хүртэлх зардлыг 1688 тал тооцон харуулна. Бараа Хятадын агуулахад ирэхэд зураг платформд байрлана. Гаалийн бүрдүүлэлт түүвэр ачааны журмаар хийгдэнэ. Гаалийн татвар ногдвол хэрэглэгч өөрийн биеэр авах ба шаардлагатай зөвлөгөөг компани өгнө. Ердийн нөхцөлд Хятадын агуулахаас Улаанбаатар хүртэл 7–14 хоног тооцоолно (гадаад/дотоод нөхцөлөөс шалтгаалан хойшлох боломжтой). Улаанбаатар доторх хүргэлтийн төлбөр бүсчлэлээр тооцно; овор ихтэй бараанд нэмэлт кг-ын тарифтай. Хаяг, утас буруу/тодорхой бус байснаас гарах зардлыг хэрэглэгч хариуцна.

Хүргэлтийн апп-д гарын үсэг зурсан мөчид “хүлээн авсан” гэж тооцно. Дараах нөхцөлд үйлдвэрлэгч/нийлүүлэгч “солихыг зөвшөөрсөн” тохиолдолд л солилт хийнэ: (i) үйлдвэрлэлийн алдаатай, ажиллах боломжгүй; (ii) захиалгаас зөрсөн (өнгө, тоо, хэмжээ гэх мэт). Хүлээн авснаас хойш 24 цагийн дотор баримт, бичлэг/зурагтай хамт мэдэгдээгүй бол солихгүй. Солилттой холбоотой Монгол/Хятадын талын бүх тээврийн зардлыг хэрэглэгч хариуцна. Хуваан төлөлтийн хэрэгслээр хийсэн захиалгын цуцлалт/хэсэгчлэн цуцлалтын буцаалт нь тусгай журмаар хийгдэнэ.

Платформын лого, нэр, бүтэц, загвар, контентыг хуулах, олшруулах, дуурайхыг хориглоно. Платформ дахь барааны тэмдгүүд нь тухайн брэндүүдийн өмч байна. Зөрчсөн тохиолдолд хуульд заасан хариуцлага хүлээлгэнэ.

Санал, гомдлоо онлайн туслах, Facebook мессеж, order@shoppyhub.mn и-мэйл, “Санал хүсэлт илгээх” формаар илгээж болно. Барааны чанар, мэдээлэл зөрөх зэрэг асуудал нь борлуулагчийн хариуцлага бөгөөд компани зуучлагч гэдгийг анхаарна уу. Хэрэв өгсөн хариу, арга хэмжээнд сэтгэл ханамжгүй бол Монгол Улсын шүүхэд хандах боломжтой.

Хувийн мэдээлэлтэй холбоотой харилцааг “Нууцлалын бодлого”-оор зохицуулна.

Дайны байдал, байгалийн гамшиг, төрийн шийдвэр, томоохон техникийн саатал, цар тахал, ажил хаялт, кибер халдлага зэрэг талуудын хяналтаас гадуурх нөхцөлөөс шалтгаалж биелүүлж чадаагүй үүрэгт хариуцлага хүлээхгүй. Ийм тохиолдолд үүрэг гүйцэтгэх хугацаа нөхцөл үргэлжлэх хугацаагаар хойшлогдоно.

Компани Үйлчилгээний нөхцөлд өөрчлөлт оруулж болно. Өөрчлөлтийг платформ дээр нийтэлснээр хүчин төгөлдөр болно. Захиалга хийгдэх үеийн нөхцөл хүргэлтийн шатанд өөрчлөгдсөн бол өмнөх нөхцөлийг барааг хүлээж авах хүртэл мөрдөнө.